மாலையகம் மற்றும் தெற்கில் பரபரப்பு..! ஆறுமுகன் தொண்டமானின் இறுதி சடங்கில் கலந்து கொண்ட ஊடகவியலாளர் உட்பட இருவர் தனிமைப்படுத்தலில்..

அமரர் ஆறுமுகன் தொண்டமானின் இறுதி சடங்கில் கலந்து கொண்டிருந்த ஊடகவியலாளர் ஒருவரும், அவருடன் தொடர்பில் இருந்த வாகன சாரதியும் தனிமைப்படுத்தப்பட்டிருக்கின்றனர். 

இவர்கள் இருவரும் நேற்று முதல் தனிமைப்படுத்தப்பட்டுள்ளனர் என கொட்டகல பொதுசுகாதார பரிசோதகர் ஒருவர் ஆங்கில ஊடகம் ஒன்றுக்கு தெரிவித்துள்ளார். குறித்த ஊடகவியலாளர் கொரோனா வைரஸ் தாக்கத்திற்குரிய 

அறிகுறிகள் காணப்படுவதாகவும் அவரை பி.சி.ஆர். பரிசோதனைக்கு உட்படுத்தியுள்ளதுடன் இருவரையும் 14 நாட்களிற்கு வீடுகளில் தனிமைப்படுத்துமாறு கேட்டுக்கொண்டுள்ளது என சுகாதார பரிசோதகர் தெரிவித்துள்ளார்.