கேப்டன் பதவியை ராஜினாமா செய்தார் டு பிளிஸ்சிஸ்!!

ஒரு நாள் போட்டிகளுக்கான கேப்டன் பதவியை ராஜினாமா செய்ததை போன்று தொடர் தோல்வியால் டெஸ்ட் மற்றும் டி20 கிரிக்கெட் அணியின் கேப்டன் பதவியை ராஜினாமா செய்தார் டு பிளிஸ்சிஸ்.

இங்கிலாந்துக்கு எதிராக நான்கு போட்டிகள் கொண்ட டெஸ்ட் தொடரில் விளையாடிய தென்ஆப்பிரிக்கா சொந்த மண்ணில் 1-3 எனத் தொடரை இழந்தது. டி20 தொடரில் ஓய்வு அளிக்கப்பட்டது. நேற்றுடன் முடிவடைந்த டி20 தொடரை தென்ஆப்பிரிக்கா 1-2 இழந்தது.

 இந்நிலையில் டெஸ்ட் மற்றும் டி20 அணிக்கான கேப்டன் பதவியை டு பிளிஸ்சிஸ் ராஜினாமா செய்துள்ளார். தென்ஆப்பிரிக்கா ஒருநாள் கிரிக்கெட் அணிக்கு குயிண்டன் டி காக் நிரந்தர கேப்டனாக நியமிக்கப்பட்டுள்ளார்.

இங்கிலாந்து தொடரின்போது டி20 அணிக்கு கேப்டனாக செயல்பட்டார். இதனால் டி காக் மூன்று வகை கிரிக்கெட் அணிக்கும் கேப்டனாக நியமிக்கப்படலாம் எனத் தெரிகிறது.