வீடு புகுந்து இளம்பெண்ணை கடத்திய கும்பல்..! வீட்டில் இருந்தவா்களுக்கு சரமாாி வாள்வெட்டு.. சாவகச்சோியில் துணிகரம்..
சாவகச்சோி- சங்கத்தானை பகுதியில் வீடொன்றுக்குள் நுழைந்த 6 போ் கொண்ட வாள்வெட்டு கும்பல் வீட்டில் இருந்தவா்களை மூா்க்கத்தனமாக தாக்கி அடித்துச் சேதப்படுத்தியதுடன், வீட்டிலிருந்து இளம் பெண்ணை கடத்தி சென்றுள்ளனா்.
அந்த வீட்டில் தாயும், மகளும், இரு முதியவர்களுமே வசிக்கின்றனர். இரவு 10.30 மணி யளவில் உந்துருளிகளில் வந்த 6 பேர் மதில் பாய்ந்து உள்நுழைந்தனர். அங்கிருந்தவர் களைத் தாக்கியதுடன், வீட்டையும் அடித்துச் சேதப்படுத்தினர்.
அங்கிருந்த இளம் பெண் ஒருவரை இழுத்துச் செல்ல முயன்றனர். பெண் தாயைப் பிடித்தவாறு மறுக்க தாயைத் தாக்கிவிட்டுத் பெண்ணைக் கடத்திச் சென்றனர் என்று கூறப்படுகின்றது.
இந்தக் குழு சுமார் அரை மணி நேரம் அங்கு நின்றது என்று அட்டகாசம் செய்தனர் என்றும், அபயக் குரல் எழுப்பியும் அதிக குடிப் பரம்பல் கொண்ட அந்த இடத்தில் எவ ரும் உதவிக்கு வரவில்லை என்றும் தெரிவிக்கப்பட்டது.
அந்தக் குழு அங்கிருந்த அகன்ற பின்னரே அயலவர்கள் அங்கு வந்தனர் என்றும், காயமடைந்தவர்கள் சாவகச்சேரி மருத்துவமனையில் சேர்க்கப்பட்டனர் என்றும் தெரிவிக்கப்பட்டது.
சாவகச்சேரிப் பொலிஸாருக்கு அறிவிக்கப்பட்டு, பொலிஸார் சம்பவ இடத்துக்கு வந்து விசாரணைகளை மேற்கொண்டனர். நேற்றுக் காலை மோப்ப நாய்கள் கொண்டு வரப்பட்டுத் தேடுதல் நடத்தப்பட்டது.
சம்பவம் தொடர்பில் இதுவரை எவரும் கைது செய்யப்படாத நிலையில் விசாரணை கள் தொடர்கின்றன என்று பொலிஸார் தெரிவித்தனர்.
