குடும்ப சண்டைக்குள் மூக்கை நுழைத்த பொலிஸாருக்கு அடி..
வெளிநாட்டிலிருந்த வந்த கணவருக்கும் மனைவிக்கும் இடையில் இடம்பெற்ற பிணக்கை தீா்க்க சென்றிருந்த பொலிஸாா் மீது வெளிநாட்டிலிருந்து வந்தவா் நடாத்திய தாக்குதலில் காயமடைந்த பொலிஸ் உத்தியோகத்தா் யாழ்.போதனா வைத்தியசாலையில் அனுமதிக்கப்பட்டுள்ளாா்.
இந்த சம்பவம் நேற்று முன்தினம் அச்சுவேலி பகுதியில் இடம்பெற்றுள்ளது. வெளிநாட்டில் இருந்து வந்த கணவருக்கும், மனைவிக்கும் இடையே முரண்பாடு ஏற்பட்டுள்ளது. அது தொடர்பாக அச்சுவேலிப் பொலிஸாருக்கு முறைப்பாடு கிடைத்துள்ளது.
அதையடுத்து விசாரணை நடத்த அங்கு பொலிஸ் உத்தியோகத்தர் சென்றுள்ளார். அங்கு சென்ற பொலிஸ் உத்தியோகத்தரைப் பெண்ணின் கணவர் தாக்கியுள்ளார். சீருடையையும் கிழித்துள்ளார். தாக்குதலில் பொலிஸ் உத்தியோகத்தர் காயமடைந்தார்.
அவர் யாழ்ப்பாணம் போதனா மருத்துவமனையில் சேர்க்கப்பட்டார். தாக்குதல் நடத்தியவர் பொலிஸாரால் கைது செய்யப்பட்டுள்ளார். அவர் நீதிமன்றில் முற்படுத்தப்படுவார் என்று பொலிஸார் தெரிவித்தனர்.