நினைத்தால் ஆட்சியை கவிழ்ப்பாராம்..! கூறுவது சம்மந்தன்.
ஐக்கியதேசிய கட்சி அரசு தனித்து இயங்கும் பலத்தை கொண்டதல்ல. நாடாளுமன்றில் 113 உறுப்பினா்கள் கூட இல்லை. தமிழ்தேசிய கூட்டமைப்பின் பலத்துடனேயே ஐக்கியதேசிய கட்சி அரசு இயங்கிக் கொண்டிருக்கிறது. எமது ஆதரவுதான் வரவு செலவு திட்டத்தை வெற்றிபெற செய்தது.
நாம் நினைத்தால் இந்த அரசை எந்த நேரத்திலும் கவிழ்ப்போம். ஆகவே இந்த அரசு தமிழ் மக்கள் தங்கள் உாிமைகளை அனுபவிக்க இடமளிக்கவேண்டும். என தமிழ்தேசிய கூட்டமைப்பின் தலைவா் இரா.சம்மந்தன் கூறியுள்ளாா்.
நாங்கள் அரசைப் பாதுகாத்து வருகின்றோம் என்று வெளியில் சிலர் விசமத்தனமான பரப்புரைகளை மேற்கொண்டு வருகின்றனர். உண்மையில், அரசைப் பாதுகாப்பது எமது நோக்கம் அல்ல. தமிழர்களுக்கான உரிமைகளை வென்றெடுக்கவும்,
நிரந்தரமான ஓர் அரசியல் தீர்வைக் காணும் வகையிலும்தான் இந்த அரசுக்கு நாம் ஆதரவு வழங்கி வருகின்றோம். இதை அரசுடன் நாம் நடத்தும் பேச்சுகளின்போது தெளிவாகக் கூறியுள்ளோம். அதை உணர்ந்து அரசு செயற்பட வேண்டும். இல்லையேல்,
அரசுக்கான எமது ஆதரவை விலக்கிக்கொள்வோம். அப்போது அரசு கவிழ்ந்தே தீரும். புதிய அரசமைப்பு உருவாக்கத்துக்கான பணிகள் முன்னெடுக்கப்பட்டு வந்தபோதிலும், தற்போது அந்தப் பணிகள் இடைநிறுத்தப்பட்டுள்ளன.
அந்தப் பணிகளைத் தொடர்ந்து முன்னெடுக்குமாறு அரசிடம் நாம் வலியுறுத்தியுள்ளோம். ஐ.நா. தீர்மானத்தின் பரிந்துரைகளையும் முழுமையாக நடைமுறைப்படுத்துமாறு அரசிடம் நாம் கோரியுள்ளோம். ஐ.நா. ஊடாக அரசுக்கு அழுத்தம் வழங்கி வருகின்றோம்.
ஐ.நா. தீர்மானத்தின் பரிந்துரைகளை இலங்கை அரசு உதாசீனம் செய்தால் அதன் விளைவு மிகவும் பாரதூரமானதாக – மோசமானதாக இருக்கும் – என்றார்.
