உலக நாயகன் கமல்ஹாசனின் நடிப்பில் உருவாகவுள்ள இந்தியன் 2-வின் புதிய போஸ்டர் வெளியானது!
லைக்காவின் பிரமாண்ட தயாரிப்பில் உலக நாயகன் கமல்ஹாசனின் நடிப்பில் உருவாகவுள்ள இந்தியன்-2 திரைப்படத்தின் புதிய போஸ்டர் வெளியாகியுள்ளது.
இந்த போஸ்டர் வாயிலாக இந்தியன் 2 திரைப்படத்தின் படப்பிடிப்பு இன்று (வெள்ளிக்கிழமை) ஆரம்பமாகவுள்ளது என்ற அதிகாரப்பூர்வ அறிவிப்பை படக்குழு வெளியிட்டுள்ளது.
வயதான சேனாபதி பழைய கோப்புகள் நிறைந்த மேசையில் மடிக்கணினியுடன் அமர்ந்திருப்பது போன்று இந்த புதிய போஸ்டர் வெளியாகியுள்ளது.
இதேவேளை, ‘இந்தியன்-2 திரைப்படத்தின் படப்பிடிப்பு இன்று ஆரம்பமாகிறது. மகிழ்ச்சி!’ என்ற செய்தியை திரைப்படத்தை பிரமாண்டமாக தயாரிக்க எதிர்பார்த்துள்ள லைக்கா புரொடக்சன்ஸின் டுவிட்டர் பக்கத்தில் பதிவிடப்பட்டுள்ளது.
இத்திரைப்படத்தின் ஃபஸ்ட்லுக் போஸ்டரை இயக்குநர் சங்கர், பொங்கல் தினத்தன்று முன்னறிவிப்பின்றி டுவிட்டரில் வெளியிட்டு இரசிகர்களை மகிழ்ச்சிபடுத்தியிருந்தமை குறிப்பிடத்தக்கது.
