ரூ. 6 கோடி கொடுத்தாலும் மாரி மாதிரி வரவில்லை

தனுஷ் நடிப்பில் வந்த மாரி 2 படம் 2ம் நாள் முடிவில் ரூ.6 கோடி வரையில் வசூல் செய்துள்ளது என்று தகவல் வெளியாகியுள்ளது.

தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் தனுஷ். நடிகரைத் தொடர்ந்து, தயாரிப்பாளர், இயக்குனர், பின்னணிப் பாடகர், பாடலாசிரியர் என்று பல திறமைகளை தன்னுள் கொண்டுள்ளார். இந்த நிலையில், மாரி படத்தின் வெற்றியைத் தொடர்ந்து மீண்டும் இயக்குனர் இயக்குனர் பாலாஜி மோகன் இயக்கத்தில் தனுஷ் நடிப்பில் 21ம் தேதி உலகம் முழுவதும் வெளியான படம் மாரி 2.

இப்படத்தில் இவருக்கு ஜோடியாக சாய் பல்லவி நடித்திருந்தார். ரசிகர்களிடையே நல்ல வரவேற்பைப் பெற்றுள்ள இப்படம் முதல் நாளில் சென்னை சிட்டி பாக்ஸ் ஆபிஸில் மட்டும் ரூ.41 லட்சம் வரையில் வசூல் செய்துள்ளது. தமிழகத்தில் மட்டும் முதல் நாளில் ரூ.4 கோடி வரையில் வசூல் செய்தது. தொடர்ந்து 2ம் நாள் முடிவில் ரூ. 6 கோடி வரையில் வசூல் செய்துள்ளது என்று தகவல் வெளியாகியுள்ளது.

என்னதான் படம் வசூல் அதிகம் கொடுத்தாலும், முதல் பாகத்தைப் போன்று வரவில்லை என்று தகவல் தெரிவிக்கின்றது. இப்படத்தைத் தொடர்ந்த் தனுஷ் வட சென்னைஇ ஆடுகளம்இ பொல்லாதவன் ஆகிய படங்களைத் தொடர்ந்து வெற்றிமாறன் இயக்கத்தில் அசுரன் படத்தில் நடிக்கிறார் என்பது குறிப்பிடத்தக்கது.