படாதபாடு பட்ட இலங்கை பேட்ஸ்மேன்கள்… இந்தியாவிற்கு எளிய இலக்கு !!

இந்திய அணிக்கு எதிரான கடைசி டி.20 போட்டியில் முதலில் பேட்டிங் செய்த இலங்கை அணி இந்தியாவிற்கு 136 ரன்களை இலக்காக நிர்ணயித்துள்ளது.

இந்தியா வந்துள்ள இலங்கை கிரிக்கெட் அணி, இந்திய அணியுடன் மூன்று டி.20 போட்டிகள் கொண்ட தொடரில் பங்கேற்றுள்ளது.

இந்த தொடரின் முதல் இரண்டு போட்டிகளிலும் இந்திய அணி அபார வெற்றி பெற்று 2-0 என்ற கணக்கில் முன்னிலை பெற்றுள்ளது.

இந்நிலையில் இரு அணிகள் இடையேயான கடைசி மற்றும் மூன்றாவது டி.20 போட்டி மும்பை வான்கடே மைதானத்தில் இன்று நடைபெற்று வருகிறது.

இதில் டாஸ் வென்றுள்ள இந்திய கிரிக்கெட் அணியின் கேப்டன் ரோஹித் சர்மா முதலில் பந்துவீச்சை தேர்வு செய்தார்.

இதனையடுத்து முதலில் பேட்டிங் செய்ய களமிறங்கிய இலங்கை அணிக்கு முதல் மூன்று வீரர்களும் 18 ரன்கள் எடுப்பதற்குள் விக்கெட்டை பறிகொடுத்து ஏமாற்றம் கொடுத்தனர்.

அடுத்தடுத்து வந்த வீரர்களில் குணரத்னே(36), சனன்கா (29*) மற்றும் சமரவிக்ரமா(21) ஆகியோர் மற்றும் சற்று தாக்குபிடித்து இலங்கை அணிக்கு ஒரளவு கைகொடுத்தன் மூலம் 20 ஓவர் முடிவில் 7 விக்கெட்டுகளை இழந்துள்ள இலங்கை அணி 135 ரன்கள் மட்டுமே எடுத்துள்ளது.