இந்தியாவுக்கு எதிரான போட்டியிலிருந்து மலிங்க நீக்கம்!

இந்திய அணிக்கு எதிரான இருபதுக்கு இருபது போட்டித் தொடரில் இருந்து இலங்கை அணியின் வேகப்பந்து வீச்சாளர் லசித் மலிங்க நீக்கப்பட்டுள்ளார்.

இலங்கை கிரிக்கெட் சபை இந்த தகவலை தெரிவித்துள்ளது. இந்தியாவுக்கு சுற்றுப்பயணம் மேற்கொண்டுள்ள இலங்கை அணி மூன்று டெஸ்ட், மூன்று ஒருநாள் மற்றும் மூன்று இருபதுக்கு இருபது போட்டிகள் கொண்ட தொடரில் விளையாடி வருகின்றது.

இதில் டெஸ்ட் தொடரை இலங்கை அணி இழந்த நிலையில், ஒரு போட்டியில் இரு அணிகளும் தலா ஒவ்வொரு போட்டிகளில் வெற்றிபெற்றுள்ளது.

இந்நிலையில், இரு அணிகளுக்கும் இடையிலான மூன்றாவது ஒருநாள் போட்டி நாளை மறு தினம் இடம்பெறவுள்ளது. இதனை தொடர்ந்து மூன்று போட்டிகளை கொண்ட இருபதுக்கு இருபது கிரிக்கெட் போட்டி ஆரம்பிக்கவுள்ளது.

இந்த போட்டிகளில் விளையாடவுள்ள இலங்கை அணி வீரர்களின் பெயர் பட்டியலில் லசித் மலிங்க உள்வாங்கப்படவில்லை என இலங்கை கிரிக்கெட் சபை தெரிவித்துள்ளது.

இதேவேளை, இரு அணிகளுக்கும் இடையிலான முதலாவது இருபதுக்கு இருபது கிரிக்கெட் போட்டி எதிர்வரும் 20ஆம் திகதி ஆரம்பமாகவுள்ளமை குறிப்பிடத்தக்கது.