இங்கிலாந்தில் ஒரு இன்னிங்ஸில் 10 விக்கெட்டையும் வீழ்த்திய இந்திய வீரர்

இங்கிலாந்தில் நடந்த உள்ளூர் தொடரில் பங்கேற்ற இந்திய கிரிக்கெட் வீரர் ஸ்ரீகாந்த் வாக் ஒரு இன்னிங்ஸில் 10 விக்கெட்டுகளையும் வீழ்த்தில் புதிய சாதனையைப் படைத்துள்ளார். 

இந்தியாவின் ரஞ்சி டிராபி போட்டியில் விதர்பா அணிக்காக விளையாடி வந்தவர் ஸ்ரீகாந்த் வாக். இவர் இங்கிலாந்தில் நடைப்பெற்றுவரும் உள்ளூர் கிரிக்கெட் தொடரில் ஸ்டாகிஸ்லே கிளப் அணிக்காக விளையாடி வருகின்றார். 

ஆல்ரவுண்டர் ஸ்ரீகாந்த் வாக் :
இந்தியாவின் இர்பான் பதான் மாதிரி இடது கை சுவிங் பவுலர், மற்றும் பேட்ஸ்மேன் ஆக ஆல்ரவுண்டராக திகழ்பவர் ஸ்ரீகாந்த் வாக். இவர் 2009ல் ராஜஸ்தான் அணிக்காகவும், 2010,2011ம் ஆண்டு புனே வாரியர்ஸ் அணிக்காக விளையாடியவர். 

10 விக்கெட் :
தற்போது இங்கிலாந்தில் நடந்து வரும் உள்ளூர் கிரிக்கெட் போட்டியில் ஸ்டாகிஸ்லே கிளப் அணிக்காக விளையாடி வரும் ஸ்ரீகாந்த், மிடில்புரோக் அணிக்கு எதிராக 11.4 ஓவர்கள் வீசி 39 ரன்கள் மட்டும் விட்டுக்கொடுத்து 10 விக்கெட்டுகளை சாய்த்துள்ளார்.

மிடில்புரோக் அணி மொத்தம் 97 ரன்கள் எடுத்த நிலையில், 5 வீரர்களை டக் அவுட் ஆக்கியதோடு, மற்ற வீரர்களை சொற்ப ரன்னில் சாய்த்து 10 விக்கெடுகளை வீழ்த்தினார். 

11.4 ஓவரில் 39 ரன்களை விட்டுக்கொடுத்த ஸ்ரீகாந்த், 10 நோ-பால் வீசியுள்ளார். இருப்பினும் அவர் 10 விக்கெட் வீழ்த்தி சாதனை படைத்துள்ளார்.