வீட்டுக்குள் நுழைந்து கொள்ளையடிக்க முயற்சி! கதவை திறக்க முடியாததால் ஜன்னல் வழியாக வீட்டுக்குள் இருந்த வயோதிப பெண் மீது துப்பாக்கி சூடு...

வீட்டுக்குள் நுழைந்து கொள்ளையிடுவதற்காக கதவை திறக்குமாறு அச்சுறுத்திய கொள்ளையர்கள் மறுப்பு தொிவித்த வயோதிப பெண் மீது ஜன்னல் வழியாக துப்பாக்கி சூடு நடத்திவிட்டு தப்பிச் சென்றுள்ளனர். 

இந்த துப்பாக்கிச் சூட்டை மேற்கொண்டவர் முகத்தை துணியால் மறைத்து வந்து துப்பாக்கிப் பிரயோகத்தை மேற்கொண்டுள்ளமை விசாரணைகளில் தெரிய வந்துள்ளது. சம்பவத்தில் சமரசிங்க ஆராச்சிகே பத்மாவதி என்ற 66 வயதுடைய இரண்டு பிள்ளைகளின் தாயாரே படுகாயமடைந்துள்ளார்.

நேற்றுமுன்தினம் (20) இரவு 8 மணியளவில் இனந்தெரியாத நபர் ஒருவர் வீட்டின் முன் வந்து கதவைத் திறக்குமாறு கூறி வயோதிபப் பெண்ணை மிரட்டியே ஜன்னல் வழியாக துப்பாக்கிப் பிரயோகம் மேற்கொண்டு தப்பிச் சென்றுள்ளதாக விசாரணைகளில் தெரிய வந்துள்ளது. 

இந்தச் சம்பவம் தொடர்பில் குறித்த பெண் தனது உறவினரிடம் தொலைபேசியில் தெரிவித்ததையடுத்து, அவர்கள் அங்கு சென்று ஹொரணை ஆதார வைத்தியசாலையில் அனுமதித்ததாக பொலிஸார் தெரிவிக்கின்றனர்.

அவரது வயிற்றின் இடது பக்கம் சுடப்பட்ட நிலையில், அவருக்கு அறுவை சிகிச்சை மேற்கொள்ளப்பட்டதாக வைத்தியசாலை வட்டாரங்கள் தெரிவித்தன. அவிசாவளை பொலிஸார் விசாரணைகளை மேற்கொண்டு வருகின்றனர்.