ஆஸ்திரேலியாவைத் தொடர்ந்து பந்தை சேதப்படுத்தி மாட்டிக் கொண்ட இலங்கை - என்ன நடக்கும் தெரியுமா?

வெஸ்ட் இண்டீஸுக்கு சுற்றுப்பயணம் மேற்கொண்டுள்ள இலங்கை அணி 3 போட்டிகள் கொண்ட டெஸ்ட் தொடரில் பங்கேற்க சென்றுள்ளது. 

முதல் போட்டியில் விண்டீஸ் அணி 226 ரன்கள் வித்தியாசத்தில் அபார வெற்றி பெற்றது. இதைத்தொடர்ந்து 2வது டெஸ்ட் போட்டி புனித லூகாஸ் நகரில் உள்ள குரோஸ் ஸ்லெட்டில் உள்ள டேரன் சமி தேசிய கிரிக்கெட் மைதானத்தில் நடைப்பெற்று வருகிறது. 

பந்தை சேதப்படுத்திய இலங்கை:
டாஸ் வென்று முதலில் பேட்டிங் செய்த இலங்கை 253 ரன்னுக்கு ஆல்-அவுட்டானது. தொடர்ந்து விளையாடிய வெஸ்ட் இண்டீஸ் அணி 300 ரன்னுக்கு ஆல்-அவுட்டானது. 

இந்நிலையில் 2வது நாள் ஆட்ட நேர முடிவில் விண்டீஸ் அணிக்கு எதிரான பந்து வீசிக்கொண்டிருந்த இலங்கை அணி, 3வது நாள் ஆட்டத்தை ஆரம்பிக்கும் 5 நிமிடத்திற்கு முன்னர், பந்து சேதப்படுத்தப்பட்டிருபதாகவும் இதே பந்தைக்கொண்டு தொடர்ந்து விளையாட முடியாது என்றும் இலங்கை கேப்டன் தினேஷ் சண்டிமல் புகார் கூறினார். இது பற்றி அம்பயர்கள் மற்றும் ரெப்ரீயுடன் நீண்ட விவாதம் நடந்திருக்கிறது. சுமார் ஒன்றரை மணி நேரம் இந்த வாக்குவாதம் தொடர்ந்தால் போட்டி தாமதமாக ஆரம்பித்தது.

2 மணி நேரத்திற்கு பின்னரே போட்டி தொடங்கியது. இலங்கை அணியின் விளையாட மறுத்ததால், அபராதமாக எதிரணியான விண்டீஸுக்கு 5 ரன்கள் வழங்கப்பட்டது. 

இந்நிலையில் இலங்கை அணி வீரர்கள் எந்த தவறும் செய்யவில்லை, அதில் ஈடுபடவும் மாட்டார்கள் என இலங்கை கிரிக்கெட் நிர்வாகம் தெரிவித்துள்ளது. 

இந்நிலையில் இலங்கை அணியின் கேப்டன் தினேஷ் சண்டிமல் மீது பந்தை சேதப்படுத்தியதாக ஐசிசி 2.2.9 விதியை மீறியதாக அவர் மீது நடவடிக்கை எடுக்கப்படும் என ஐசிசி டுவிட்டர் பக்கத்தில் தெரிவிக்கப்பட்டுள்ளது. 

மாட்டிக் கொண்ட ஆஸ்திரேலிய ஸ்மித், வார்னர், பேன்கிராஃப்ட் :
கடந்த மார்ச் மாதம் தென் ஆப்பிரிக்கா – ஆஸ்திரேலியா இடையே நடைபெற்ற டெஸ்ட் போட்டியில் பந்தைச் சேதப்படுத்திய புகாரில் சிக்கி ஆஸ்திரேலிய அணியின் கேப்டனாக இருந்த ஸ்டீவ் ஸ்மித் மற்றும் துணை கேப்டனாக இருந்த டேவிட் வார்னர் ஆகியோர் அனைத்து விதமான போட்டிகளிலும் 12 ஆண்டு விளையாடுவதற்குத் தடைவிதிக்கப்பட்டுள்ளனர். அந்த அணியின் மற்றொரு வீரர் பான்கிராப்ட் 9 மாதங்கள் விளையாட தடை பெற்றிருக்கிறார்.