பஸ் நிலையத்தில் மாணவிக்கு தாலி கட்டிய கல்லூரி மாணவர்!! -அட்சதையை தூவி வாழ்த்திய சக மாணவர்கள்-

இந்தியாவின் சிதம்பரத்தில் பேருந்து நிலையத்தில் வைத்து மாணவி ஒருவருக்கு மாணவர் ஒருவர் தாலி கட்டிய சம்பம்பவம் ஒன்று பதிவாகியுள்ளது. 

இச் சம்பவம் கடலூர் மாவட்டம் சிதம்பரம் பேருந்து நிலையத்தில் பிளஸ்-2 மாணவிக்கு, ஒரு பாலிடெக்னிக் கல்லூரி மாணவர் தாலி கட்டியுள்ளார். அந்த காட்சி தற்போது சமூக வலைதளங்களில் வைரலாகி பெரும் பரபரப்பை ஏற்படுத்தியுள்ளது.

குறிப்பாக சிதம்பரம் பேருந்து நிலையம் காந்தி சிலை அருகே உள்ள பயணிகள் நிழற்குடையில் சீருடையில் அரசு பாடசாலை ஒன்றில் கல்வி கற்கும் பிளஸ்-2 மாணவி ஒருவர் வந்து அமர்கிறார். அப்போது அங்கு வந்த கீரப்பாளையத்தில் உள்ள பாலிடெக்னிக் கல்லூரியில் படிக்கும் மாணவர் ஒருவர், மாணவியின் அருகில் அமர்கிறார்.

பின்னர், மாணவியின் கழுத்தில் அந்த மாணவர் தாலியை கட்டினார். அருகில் நின்ற மாணவியின் தோழிகள் சிலர் அவர்களுக்கு அட்சதையை தூவி வாழ்த்துக்களை தெரிவிக்கின்றனர். இவ்வாறு அந்த வீடியோவில் பதிவாகியுள்ளது.