கட்சி அலுவலகத்திற்குள் சுட்டுக் கொல்லப்பட்ட நிலையில் பெண்ணின் சடலம்!

கட்சி அலுவலகத்திற்குள் துப்பாக்கி சூட்டு காயங்களுடன் பெண் ஒருவருடைய சடலம் இன்று கண்டுபிடிக்கப்பட்டுள்ளதாக பொலிஸ் தகவல்கள் தொிவிக்கின்றன.

ஐக்கிய மக்கள் சக்தியின் கேகாலை அலுவலகத்தில் கடமையாற்றும் 36 வயதுடைய பெண் ஒருவர் சுட்டுக்கொல்லப்பட்டதாக பொலிஸார் தெரிவித்தனர்.

கேகாலை ஹபுதுவல பிரதேசத்தில் வசிக்கும் பெண் அலுவலகத்திற்கு அருகில் உள்ள அறையில் சுட்டுக்கொல்லப்பட்ட நிலையில் சடலமாக மீட்கப்பட்டுள்ளார்.

இவரை இன்று காலை அவரது வீட்டிலிருந்து தேர்தல் அமைப்பாளர் அலுவலகத்திற்கு அழைத்து வந்ததாக தெரிவிக்கப்பட்டுள்ளது.

அவர் தன்னைத்தானே சுட்டுக் கொண்டாரா அல்லது வேறு யாரேனும் சுட்டுக் கொண்டார்களா என்பது தொடர்பில் விசாரணை முன்னெடுக்கப்பட்டு வருகிறது.