4 முட்டைகளால் 5 லட்சம் ரூபாய் தண்டம்! பேராசை பிடித்த வர்த்தகர் சிக்கினார்...

நிர்ணய விலையை மீறி அதிக விலைக்கு 4 முட்டைகளை விற்பனை செய்த வர்த்தகருக்கு சுமார் 5 லட்சம் ரூபாய் தண்டம் விதித்து பலாங்கொட நீதிவான் நீதிமன்றம் உத்தரவிட்டுள்ளது.

இரத்தினபுரி நுகர்வோர் அதிகார சபை அதிகாரிகளால் மேற்கொள்ளப்பட்ட திடீர் சோதனையின் போதே குறித்த கடைக்காரர் நிர்ணயிக்கப்பட்ட விலைக்கு அதிகமான விலையில் முட்டை விற்பனை செய்தமை கண்டுபிடிக்கப்பட்டது.

குறித்த கடை உரிமையாளர் பலாங்கொடை பதில் நீதவான் ஏ.எம்.எஸ். மெனிகே முன்னிலையில் ஆஜர்படுத்தப்பட்டபோதே இந்த அபராதம் விதிக்கப்பட்டுள்ளது

குறித்த கடையிலிருந்து 4 முட்டைகள் கொள்வனவு செய்யப்பட்டதாகவும், கடைக்காரர் நான்கு முட்டைகளுக்கு தலா 65 ரூபா வீதம் 260 ரூபா அறவிட்டுள்ளதாகவும் நுகர்வோர் அதிகாரசபை அதிகாரிகள் தெரிவித்தனர்.