கை, கால்களை கட்டி, வாயில் துணியை திணித்து, கழுத்தை நொித்து கொலை செய்யப்பட்ட பெண்! நகைகள் கொள்ளை...

கை, கால்களை கட்டி வாயில் துணியை அடைந்து கழுத்து நெருக்கப்பட்டு பெண் ஒருவர் கொலை செய்யப்பட்டுள்ளதுடன், அவர் அணிந்திருந்த நகைகள் கொள்ளையடித்துச் செல்லப்பட்டிருக்கின்றது. 

குறித்த சம்பவம் கட்டுகஸ்தோட்ட - உகுரஸ்ஸபிட்டி பகுதியில் இடம்பெற்றுள்ளது. வீட்டில் தனிமையில் வாழ்ந்துவந்த 76 வயதான பெண் ஒருவரே நேற்றய தினம் பிற்பகல் சடலமாக மீட்கப்பட்டிருக்கின்றார். 

குறித்த பெண்ணின் கைகால்களை கட்டி வாயில் துணியொன்றை போட்டு, அவர் அணிந்திருந்த 32,500 ரூபா பெறுமதியான தங்க நகையையும் சந்தேகநபர்கள் திருடிச் சென்றுள்ளதாக பொலிஸ் விசாரணைகளில் தெரியவந்துள்ளது.

சந்தேக நபர்களை கண்டுபிடிப்பதற்காக கட்டுகஸ்தோட்டை பொலிஸார் மேலதிக விசாரணைகளை மேற்கொண்டு வருகின்றனர்.