குழந்தைகளுக்கு கொடுக்கும் பால்மா பை ஒன்றை திருடியதாக கடற்றொழிலாளியான இளம் தந்தை கைது செய்யப்பட்ட துயர சம்பவம்..!

அளுத்கம பகுதியில் உள்ள பல்பொருள் அங்காடி ஒன்றில் சுமார் 3100 ரூபாய் பெறுமதியான குழந்தைகளுக்கான பால்மா பெட்டி ஒன்றை திருடியதாக 30 வயதான இளம் கடற்றொழிலாளி ஒருவர் பொலிஸாரினால் நேற்று கைது செய்யப்பட்டுள்ளார். 

தனது ஒரு வயது எட்டு மாத குழந்தையின் பசியை போக்குவதற்காக இவ்வாறு பால்மாவை திருடியதாக அவர் அழுது கொண்டே பொலிஸாரிடம் கூறியுள்ளார். சந்தேகநபர் பல்பொருள் அங்காடிக்கு சென்று பால்மாவை எடுத்து 

அவர் அணிந்திருந்த சட்டையில் மறைக்க முற்பட்ட போது, அங்கு பணியாற்றும் பெண் ஊழியர் ஒருவர் சம்பவத்தை பார்த்து அங்கிருந்த பாதுகாப்பு அதிகாரிக்கு தகவல் தெரிவித்துள்ளார். 

இதனையடுத்து, அவர் அளுத்கம பொலிஸாரினால் கைது செய்யப்பட்டுள்ளதாக தெரிவிக்கப்படுகிறது.