பெண்கள் தனிமையிலிருக்கும் வீடுகள், வர்த்தக நிலையங்களுக்குள் புகுந்து தங்க நகைகளை பறிக்கும் கொள்ளையன்..!

பெண்கள் தனித்திருக்கும் வர்த்தக நிலையங்கள், வீடுகளுக்குள் புகுந்து கொள்ளையில் ஈடுபடுவது மற்றும் வழிப்பறி கொள்ளை சம்பவங்களில் ஈடுபடுவது என பல குற்றச் செயல்களுடன் தொடர்புடைய சந்தேகநபர் ஒருவர் சீ.சி.ரீ.வி கமரா பதிவுகள் மூலம் அடையாளம் காணப்பட்டுள்ளார். 

சந்தேக நபர் போதைப்பொருள் பாவனைக்கு அதிகம் அடிமையாகியுள்ளமையும் தெரியவந்துள்ளது. சந்தேகநபர் பியகம பிரதேசத்தில் மோட்டார் சைக்கிள் ஒன்றையும் திருடியுள்ளதாக தெரிவிக்கப்படுகின்றது.

நேற்று முன்தினம் மாலபே கஹந்தோட்டை பிரதேசத்தில் உள்ள கடை ஒன்றில் இருந்த பெண் ஒருவரிடமும், வீதியில் நடந்து சென்ற பெண் ஒருவரின் தங்க நகைகளையும் சந்தேக நபர் திருடிவிட்டு தப்பிச் சென்றுள்ளார்.