தொடர்மாடி குடியிருப்பு ஒன்றை முற்றுகையிட்ட பொலிஸார்..! பெண் ஒருவர் கைது..

தொடர்மாடி குடியிருப்பு ஒன்றை முற்றுகையிட்டு பொலிஸார் நடத்திய சுற்றிவளைப்பு தேடுதலில் சுமார் 20 லட்சம் ரூபாய் பெறுமதியான போதைப் பொருளுடன் பெண் ஒருவர் கைது செய்யப்பட்டிருக்கின்றார். 

குறித்த சம்பவம் கொழும்பு - கிராண்ட்பாஸ் பகுதியில் நேற்று இடம்பெற்றுள்ளதாக பொலிஸார் கூறியுள்ளனர். 

சந்தேகநபர் போதைப்பொருள் விற்பனையில் ஈடுபட்டு வருபவர் எனவும், இந்நிலையில் நபரொருவருக்கு பெருமளவான போதைப்பொருள் விற்பனை செய்யவதற்கு தயாராகி வந்தபோது பொலிஸாருக்கு கிடைத்த தகவலின் அடிப்படையில் இந்தச் சுற்றிவளைப்பு மேற்கொள்ளப்பட்டுள்ளது.

சந்தேகநபர் குடியிருப்பு தொகுதியின் மூன்றாவது மாடியில் வைத்து கைது செய்யப்பட்டதோடு, மேலும் அவரை சோதனைக்குட்படுத்தியபோது 

சுமார் 83 கிராம் ஹெரோயின் கைப்பற்றப்பட்டுள்ளதாக பொலிஸார் தெரிவித்தனர். கைது செய்யப்பட்ட சந்தேக நபர் அடுக்குமாடி குடியிருப்பில் வசிக்கும் 40 வயதுடைய பெண் என பொலிஸார் தெரிவித்தனர்.