பெற்ரோல் திருடப்பட்ட சம்பவம் தொடர்பாக உருவான வாய்த்தர்கம் கொலையில் முடிந்தது! மோட்டார் சைக்கிள் உரிமையாளர் குத்திக் கொலை...

வீதியில் நிறுத்தி வைக்கப்பட்டிருந்த மோட்டார் சைக்கிளில் பெற்றோல் திருடப்பட்ட சம்பவம் தொடர்பாக உருவான வாய்த்தர்க்கம் மோதலாக மாறியதில் மோட்டார் சைக்கிள் உரிமையாளர் குத்திக் கொல்லப்பட்டுள்ளார்.

இச்சம்பவம் இன்று (25) காலை பொரளை பகுதியில் இடம்பெற்றுள்ளதாக பொலிஸார் தெரிவிக்கின்றனர்.

பொரளை காசல் வீதியில் வசித்துவந்த 40 வயதுடைய நபரொருவரே இவ்வாறு உயிரிழந்துள்ளார். கொலைச் சந்தேகநபர் நபர் 29 வயதுடைய, அதே பகுதியை சேர்ந்த ஒருவரென தெரியவந்துள்ளது.

பொரளை பொலிஸாரினால் அச்சந்தேகநபர் கைது செய்யப்பட்டுள்ளதுடன் சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்