9 வயது சிறுமி பலாத்காரம் மற்றுமொரு கொலைச் சம்பவத்துடன் தொடர்புடைய சந்தேகநபர் பொலிஸார் மீது கத்திக்குத்து..! பொலிஸ் துப்பாக்கி சூட்டில் பலி..

சந்தேகநபர் ஒருவரை விசாரணை செய்ய சென்றிருந்த பொலிஸார் மீது கத்திக்குத்து தாக்குதல் நடத்திய சந்தேகநபர் பொலிஸாரின் துப்பாக்கி சூட்டில் கொல்லப்பட்டுள்ளார். 

உயிரிழந்த சந்தேக நபர் தலகஸ்பே பகுதியைச் சேர்ந்த 37 வயதுடையவர் என தெரிவிக்கப்படுகின்றது.

நேற்றுமுன்தினம் (23) பிடிகல, தலகஸ்பே மஹேன பகுதிக்கு முறைப்பாடு ஒன்று தொடர்பில் விசாரணைக்கு சென்ற பொலிஸாரை சந்தேகநபர் கத்தியால் தாக்கியுள்ளார்.

இது தொடர்பில் சந்தேகநபரை கைது செய்ய சென்ற போதே இந்த சம்பவம் இடம்பெற்றுள்ளது. 

மேற்படி சந்தேகநபருக்கு எதிராக 9 வயது சிறுமியை பாலியல் துஷ்பிரயோகம் செய்தமை தொடர்பான வழக்கு பலப்பிட்டிய நீதிமன்றத்தில் நிலுவையில் உள்ளதாக பொலிஸார் குறிப்பிட்டுள்ளனர்.

அத்துடன் நபர் ஒருவரை கூரிய ஆயுதத்தால் தாக்கி படுகொலை செய்தமை தொடர்பில் எல்பிட்டிய நீதிமன்றில் வழக்கு விசாரணைகள் இடம்பெற்று வருவதாக பொலிஸார் தெரிவித்தனர்.