எச்சரிக்கையை மீறி புகைரத கடவைக்குள் நுழைந்த கார் மீது மோதிய புகைரதம்! கர்ப்பவதி பெண் உட்பட 6 பேர் படுகாயம்..

காலி - மாகல்ல பகுதியில் புகைரத கடவைக்குள் நுழைந்த கார் மீது புகைரதம் மோதி விபத்துக்குள்ளானதில் கர்ப்பவதி பெண் மற்றும் இரு சிறுவர்கள் உட்ட 6 பேர் படுகாயமடைந்துள்ளனர். 

இந்த விபத்தில் காரில் பயணித்த கர்ப்பிணி பெண் மற்றும் இரண்டு சிறு பிள்ளைகள் உட்பட 6 பேர் காயமடைந்து கராப்பிட்டிய வைத்தியசாலையில் அனுமதிக்கப்பட்டுள்ளனர்.

வைத்தியசாலையில் அனுமதிக்கப்பட்டவர்களில் இருவரின் நிலைமை கவலைக்கிடமாக உள்ளதாக தெரிவிக்கப்படுகிறது. திருமண நிகழ்வொன்றில் கலந்துகொண்டு வீடு திரும்பியுள்ளனர். 

இதன்போது புகைரதம் வருவதை குறிக்கும் எச்சரிக்கை வழங்கப்பட்டபோதும் அதனை மீறி புகைரத பாதைக்குள் கார் நுழைந்த நிலையில் கார் மீது புகைரதம் மோதி விபத்துக்குள்ளானது. 

இதனை நோில் பார்த்த ஒருவர் கூறியுள்ளார். இந்நிலையில் சம்பவம் தொடர்பாக பொலிஸார் மேலதிக விசாரணைகளை முன்னெடுத்து வருகின்றனர்.