வீதி ஓரமாக நடந்துசென்றவர்கள் மீது மோதிய ஹயஸ்! கர்ப்பவதி மனைவியும், கணவனும் உயிரிழப்பு..

வீதி ஓரமாக நடந்து சென்ற கர்ப்பவதி பெண் மீதும் அவரது கணவன் மீதும் ஹயஸ் வாகனம் மோதியதில் இருவரும் உயிரிழந்துள்ளனர். 

குறித்த சம்பவம் நேற்று மெனராகலை வெல்லவாய புத்தல பகுதியில் இடம்பெற்றிருக்கின்றது. 

சம்பவத்தில் 37 வயதான கணவரும், 32 வயதான கர்ப்பவதி பெண்ணும் உயிரிழந்துள்ளனர். 

வீதி ஓரமாக நடந்து சென்றவர்கள் மீது குறித்த ஹயஸ் வாகனம் மோதியதாக பொலிஸார் கூறியுள்ளனர். 

சம்பவத்தில் காயமடைந்த கணவனும், மனைவியும் புத்தல வைத்தியசாலையில் அனுமதிக்கப்பட்டபோதும் அவர்கள் உயிரிழந்துள்ளனர். 

இதேவேளை விபத்தை ஏற்படுத்திய சாரதி அங்கிருந்து தப்பி ஓடியபோதும் பொதுமக்களால் மடக்கி பிடிக்கப்பட்டு வாகனம் அடித்து நொருக்கப்பட்டது.