பாலிவுட்டில் அறிமுகமாகும் அர்ஜூன் தாஸ்!!

கைதி திரைப்படத்தின் மூலம் தமிழ் சினிமாத் துறையில் மிரட்டும் வில்லனாக அறிமுகமானவர் அர்ஜூன் தாஸ் விக்ரம் திரைப்படத்தின் மூலம் மேலும் பிரபலமானார். 

இந்நிலையில் நடிகர் அர்ஜுன் தாஸ் பாலிவுட்டில் அறிமுகமாகிறார். 2017 ஆம் ஆண்டு 86 புதுமுகங்களைக் கொண்டு இயக்குனர் லிஜோ ஜோஸ் இயக்கத்தில் மலையாளத்தில் வெளியான படம் 'அங்கமாலி டைரீஸ்'. இந்த படம் ரசிகர்கள் மத்தியில் பெரும் வரவேற்பை பெற்றது.

தற்போது இத்திரைப்படம் ஹிந்தியில் ரீமேக் செய்யப்படவுள்ளது. அதனை 'கேடி என்ற கருப்புதுரை' படத்தை இயக்கிய மதுமிதா சுந்தர ராமன் இயக்கவுள்ளதாக கூறப்படுகிறது. மேலும், நடிகர் அர்ஜுன் தாஸ் இயக்குனர் மதுமிதா மற்றும் லோகேஷ் கனகராஜிற்கு நன்றி கூறி தனது சமூக வலைதளத்தில் பதிவு ஒன்றை வெளியிட்டுள்ளார்.