'என்ன அவசரம் நண்பா' -கே.கே. மறைவுக்கு ஏ.ஆர்.ரகுமான் இரங்கல்-

பிரபல பின்னணிப் பாடகர் கே.கே.யின் திடீர் மறைவுக்கு இசையமைப்பாளர் இசைப் புயல் ஏ.ஆர்.ரஹ்மான் தனது ருவிட்டல் பக்கத்தில் இரங்கல் தெரிவித்துள்ளார்.

பாடகர் கிருஷ்ணகுமார் குன்னத் டெல்லியை பூர்வீகமாகக் கொண்டு தமிழ், இந்தி உட்பட பல்வேறு முக்கிய மொழித் திரைப்படங்களில் பல நூறு பாடல்களை பாடியுள்ளார்.

இந்தநிலையில் நேற்று செவ்வாய்க்கிழமை கொல்கத்தாவில் உள்ள குருதாஸ் நஸ்ரூல் மன்சா கல்லூரியில் நடைபெற்ற நிகழ்ச்சியில் பாடல் பாடும்போது அவருக்கு மாரடைப்பு ஏற்பட்டுள்ளது. அதனையடுத்து, அவர் உடனடியாக கொல்கத்தாவில் உள்ள தனியார் மருத்துவமனைக்கு அழைத்துச் செல்லப்பட்டார். அங்கே அவரை சோதனை செய்த மருத்துவர்கள் அவர் உயிரிழந்துவிட்டதாக கூறியுள்ளனர். அவருடைய திடீர் மறைவுக்கு பலருக்கும் அதிர்ச்சியை ஏற்படுத்தியுள்ளது.

இந்தநிலையில், இசைமைப்பாளர் ஏ.ஆர்.ரகுமான் ருவிட்டர் பதிவில், அன்புள்ள கேகே, என்ன அவசரம் நண்பா, உங்களைப் போன்ற திறமையான பாடகர்களால் தான் வாழ்க்கை இனிமையாகிறது என பதிவிட்டுள்ளார்.