ரசிகர்கள் கூட்டத்தில் மாட்டிக் கொண்ட நயன்தாரா!!

தற்போது வெளியாகியுள்ள காத்துவாக்குல ரெண்டு காதல் படத்தை திரையரங்கில் பார்வையிடுவதற்கு சென்ற நயன்தாராவை ஏராளமான ரசிகர்கள் சூழ்ந்து கொண்டதால் அவர் திக்குமுக்காட்டியுள்ளார். 

விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா ஆகியோர் நடிப்பில் கடந்த 28 ஆம் திகதி 'காத்து வாக்குல ரெண்டு காதல்' திரைப்படம் வெளியானது. 

முக்கோண காதல் கதையை கொண்ட இந்த படத்தில், கதிஜாவாக சமந்தாவும், கண்மணியாக நயன்தாராவும் நடித்துள்ளனர். ரசிகர்களிடையே நல்ல விமர்சனங்களை பெற்று வரும் இந்த திரைப்படம் திரையரங்குகளில் ஓடிக்கொண்டிருக்கிறது.

இந்நிலையில், 'காத்து வாக்குல ரெண்டு காதல்' படக்குழுவினர் சென்னை அண்ணா சாலையில் உள்ள தேவி திரையரங்கத்திற்கு சென்றிருந்தனர். திரையரங்கிற்கு நயன்தாரா செல்லும் போது அவரை ஏராளமான ரசிகர்கள் சூழ்ந்து கொண்டதால் திகைப்படைந்தார்.