நடிகை பாலியல் பலாத்காரம்!! -நடிகர் தலைமறைவு-

மலையாள சினிமா துறையில் தயாரிப்பாளரும், நடிகருமான விஜய் பாபு மீது, நடிகை ஒருவரை பாலியல் பலாத்காரம் செய்தமை மற்றும் நடிகையின் அடையாளத்தை வெளியிட்ட போன்ற குற்றச்சாட்டுக்களை முன்வைத்து பொலிஸ் நிலையத்தில் முறைப்பாடு செய்யப்பட்டுள்ளது. 

இவ்விடயம் தொடர்பில் பொலிஸார் மேலும் தெரிவிக்கையில்:-

குறித்த நடிகர் மீது 22 ஆம் திகதி முகப்புத்தகத்தின் ஊடாக நடிகை ஒருவர் பாலியல் முறைப்பாட்டை பதிவு செய்துள்ளார்.

இந்த நடிகை, விஜய் பாபு தயாரித்த சில படங்களில் நடித்துள்ளார். நடிகையின் தனிப்பட்ட மற்றும் தொழில்முறை பிரச்னைகளுக்கு ஆதரவாக இருந்த விஜய் பாபு, அவரை காதலிப்பதாக கூறியுள்ளார். 

பின், கடந்த ஒன்றரை மாதங்களாக, அவரை பாலியல் ரீதியாக துன்புறுத்தி உள்ளார். அத்துடன், நடிகையின் நிர்வாண 'வீடியோ'க்களை பதிவு செய்து, கொலை மிரட்டல் விடுத்துள்ளார். விஜய் பாபுவின் வலையில், மேலும் பல பெண்கள் சிக்கி இருப்பதாகவும், நடிகை கூறி உள்ளார்.

இதற்கிடையே, சமூக வலைதளத்தில் தன் மீதான குற்றச்சாட்டுகளை மறுத்த விஜய் பாபு, நடிகையின் பெயரை குறிப்பிட்டு, அவருக்கு எதிராக அவதூறு வழக்கு தாக்கல் செய்யப் போவதாக தெரிவித்துள்ளார்.

இதையடுத்து, பாதிக்கப்பட்ட பெண்ணின் அடையாளத்தை வெளியிட்டதற்காக, விஜய் பாபு மீது, மற்றொரு வழக்கும் பதிவாகி உள்ளது. தலைமறைவாக இருக்கும் அவர், விரைவில் கைது செய்யப்படுவார் என்று அவர்கள் கூறினர்.