மின்னல் தாக்கியதில் கட்டட தொழிலாளர்கள் 4 பேர் பலி!!

இந்தியாவில் விருதுநகரில் நேற்று மாலை மின்னல் தாக்கியதில் கட்டட தொழிலாளர்கள் 4 பேர் உயிரிழந்தனர். இச் சம்பவத்தில் மேலும் 2 பேர் காயம் அடைந்தனர். 

விருதுநகர் கருப்பசாமிநகரில் புதிய வீடு கட்டும் பணி நடைபெற்று வருகிறது. நேற்று  வீட்டின் மேல் தளத்தில் தண்ணீர் தொட்டி அமைக்கும் வேலை நடந்தது. கட்டட தொழிலாளர்கள் 6 பேர் பணிபுரிந்து வந்தனர். இதன் போது பலத்த இடி, மின்னலுடன் கூடிய கனமழை பெய்தது.

அப்போது திடீரென மின்னல் தாக்கியதில், கட்டட பணியில் ஈடுபட்டுக் கொண்டிருந்த ரோசல்பட்டியைச் 4 பேர் சம்பவ இடத்திலேயே உயிரிழந்தனர். மேலும் இருவர் காயமடைந்தனர். 

தகவல் அறிந்து சம்பவ இடத்துக்கு வந்த தீயணைப்பு துறையினர் உயிரிழந்த 4 பேரின் உடல்களை மீட்டு விருதுநகர் அரச வைத்தியசாலைக்கு பிரேதப் பரிசோதனைக்காக அனுப்பி வைத்தனர். காயமடைந்த இருவரும் மீட்கப்பட்டு சிகிச்சைக்காக சேர்க்கப்பட்டுள்ளனர்.