கோலியின் விக்கெட்டை வீழ்த்தியும் கொண்டாடாதது ஏன்? – பதிலளித்த ஜடேஜா

புனேயில் நேற்று 11-வது ஐபிஎல் சீசனின் 35-வது லீக் ஆட்டம் நடந்தது. இந்த போட்டியில் முதலில் பேட் செய்த பெங்களூரு ராயல் சேலஞ்சர்ஸ் அணி 20 ஓவர்களில் 9 விக்கெட் இழப்புக்கு 127 ரன்கள் சேர்த்தது. பின்னர் பேட்டிங் செய்த சென்னை சூப்பர் கிங்ஸ் அணி 18 ஓவர்களில் 4 விக்கெட்டை இழந்து 128 ரன்கள் சேர்த்து வெற்றி பெற்றது.

ஐபிஎல் சீசன் தொடங்கியதில் இருந்தே சி.எஸ்.கே. அணியில் ரவிந்திர ஜடேஜாவின் பந்துவீச்சுஇ பேட்டிங், பீல்டிங் கடுமையாக விமர்சிக்கப்பட்டு வந்தது. கடந்த 3-ம் தேதி நடைபெற்ற போட்டியின் போது ஜடேஜா அடுத்தடுத்த பந்துகளில் இரண்டு கேட்சுகளை தவறவிட்டார். அவர் சரியாக செயல்படாத நிலையிலும் டோனி தொடர்ந்து அவரை அணியில் நீடித்து வைத்திருக்க காரணம் என்ன என்றெல்லாம் சமூக வலைதளங்களில் பலரும் கேள்வி எழுப்பினர். ஜடேஜாவை அணியில் இருந்து நீக்க வேண்டும் என்ற கோரிக்கை விடுத்தனர்.

இந்நிலையில் புனேயில் நேற்று நடந்த பெங்களூரு அணிக்கு எதிரான போட்டியில் ஜடேஜா நீக்கப்படுவார் என எதிர்பார்க்கப்பட்ட நிலையில் அவர் மீண்டும் அணியில் சேர்க்கப்பட்டு இருந்தார். ஆனால் ஜடேஜா வீசுவது சுழற்பந்துவீச்சு என்ற போதிலும் அதிகமாக டர்ன் ஆகாது. ஆனால் ஜடேஜா வீசிய 6-வது ஓவரின் முதல் பந்தில் பெங்களூரு அணியின் கேப்டன் விராட் கோலி க்ளீன் போல்டாகி வெளியேறினார்.

பெங்களூரு அணியின் மிகப்பெரிய விக்கெட்டை வீழ்த்திய மகிழ்ச்சியில் அணியில் மற்ற வீரர்கள் கொண்டாட ரவிந்திர ஜடேஜா மட்டும் விராட் கோலியைப் பார்த்துக்கொண்டே தலையில் கைவைத்தபடி அமைதியாக வந்தார். விராட் கோலி ஒருபுறம் முறைத்துக்கொண்டே பெவிலியன் திரும்பினார்.

பெங்களூரு அணியின் மிகப்பெரிய விக்கெட் வீழ்த்திய பின்பும் ஜடேஜா கொண்டாடாதது அனைவருக்கும் வியப்பை ஏற்படுத்தியது. இதுகுறித்து ஐபிஎல் டுவிட்டரில் பதிவிட்ட செய்தியில் ‘ஆர்சிபி அணியின் முக்கிய விக்கெட்டை வீழ்த்தியும் ஜடேஜாவுக்கு மகிழ்ச்சி ஏற்படவில்லையா?’ என கூறியிருந்தது.

ஐசிசி பதிவுசெய்த டுவிட்டில்இ ‘இந்திய அணியின் கேப்டனையே வீழ்த்திவீட்டீர்கள் ஜடேஜாஇ ஆனால் மகிழ்ச்சி இல்லையே’ என்று தெரிவித்துள்ளது.

ஜடேஜாவை நெட்டிசன்களும் விமர்சித்துள்ளனர். சிலர் ‘கோலியை ஆட்டமிழக்கச்செய்து கொண்டாடினால்இ எதிர்காலத்தில் ஜடேஜாவுக்கு இந்திய அணியில் இடம் கிடைக்காது. அதனால் தான் அவர் கொண்டாடாமல் இருந்திருப்பார்’ என்று ஒருசிலர் தெரிவித்தனர்.

ஒரு சிலர் ‘அய்யோ ஜடேஜா தெரியாமல் உங்கள் இந்திய அணியின் பாஸை (கேப்டனை) ஆட்டமிழக்கச் செய்துவிட்டீர்களே’ எனக் கேட்டுள்ளனர். இன்னும் சிலர் விராட் கோலிக்கு ஜடேஜா கடிதம் எழுதுபோல் குறிப்பிட்டுள்ளனர். அதில் ‘விராட் எனக்கு உங்களை ஆட்டமிழக்கச் செய்யவேண்டும் என்ற உள்நோக்கம் இல்லை. மன்னித்துவிடுங்கள் அணியில் இருந்து நீக்கிவிடாதீர்கள்’ என்று தெரிவித்துள்ளனர்.

இந்நிலையில் முதல் இன்னிங்ஸ் முடிந்தபின் ஜடேஜாவிடம் வர்ணணையாளர் கேள்வி எழுப்பினார். அப்போது ஜடேஜா கூறுகையில் ‘நான் வீசிய முதல் ஓவரின் முதல் பந்தில் விராட் கோலி ஆட்டமிழந்துவிட்டார். எனக்கு என்ன செய்வதென்றே தெரியவில்லை. நான் கொண்டாடும் மனநிலையிலும் இல்லை. விராட் கோலியின் விக்கெட் மிகப்பெரிய விக்கெட். பந்துவீசுவதற்கு ஏற்றார்போல் ஆடுகளமும் நன்கு ஒத்துழைத்தது’ என கூறினார்.

நேற்றைய போட்டியில் ஜடேஜா 4 ஓவர்கள் வீசி 18 ரன்கள் விட்டுக்கொடுத்து 3 விக்கெட் வீழ்த்தினர். இதனால் அவர் ஆட்டநாயகனாக தேர்வு செய்யப்பட்டார் என்பது குறிப்பிடத்தக்கது.