புனித் ராஜ்குமார் நினைவிடத்தில் தளபதி விஜய் அஞ்சலி!!

தமிழ் திரையுலகில் முன்னணி நடிகராக வலம் வரும் இளைய தளபதி விஜய் மறைந்த கன்னட நடிகர் புனித் ராஜ்குமாரின் நினைவிடத்திற்குச் சென்று அஞ்சலி செலுத்தியுள்ளார்.

கன்னட திரையுலகின் முன்னணி நடிகர் புனித் ராஜ்குமார் 2021 அக்டோபர் மாதம் 29 ஆம் திகதி மாரடைப்பு காரணமாக உயிரிழந்தார். அவரின் உடலம் காண்டீவராவில் உள்ள அவரது தந்தை சமாதிக்கு அருகில் அரசு மரியாதையுடன் நல்லடக்கம் செய்யப்பட்டது.

நடிகர்கள் விஜய் சேதுபதி, விஷால், உதயநிதி ஸ்டாலின், கமல், பிரபு, சிவகார்த்திகேயன், சூர்யா உள்ளிட்ட பலர் புனித் ராஜ்குமாரின் நினைவிடத்திற்கு சென்று அவருக்கு அஞ்சலி செலுத்தினர். 

இந்த நிலையில் இளையதளபதி விஜய் புனித் ராஜ்குமார் நினைவிடத்திற்கு இன்று சனிக்கிழமை நேரில் சென்று அஞ்சலி செலுத்தியுள்ளார்.