இலங்கை - அவுஸ்திரேலிய மோதும் ரி-20 போட்டி இன்று!!

5 போட்டிகள் கொண்ட ரி-20 தொடரில் பங்கேற்பதற்காக அவுஸ்திரேலியா சென்றுள்ள இலங்கை அணி, முதல் போட்டியில் இன்று வெள்ளிக்கிழமை நடப்பு ரி-20 உலக சாம்பியனான அவுஸ்திரேலியாவை எதிர்கொள்கின்றது.

அதன்படி தொடரின் முதல் போட்டியானது இன்று வெள்ளிக்கிழமை பிற்பகல் இலங்கை நேரப்படி 1.40 மணிக்கு சிட்டினியில் ஆரம்பமாகிறது. ஐக்கிய அரபு அமீரகத்தில் நடைபெற்ற ரி-20 உலகக் கிண்ணத்துக்கு பின் இரு அணிகளும் மோதும் முதல் போட்டியாக இந்த ஆட்டம் அமையும்.  

உலகக் கிண்ண போட்டியில் இரு நாடுகளும் நேருக்கு நேர் மோதிய போது அவுஸ்திரேலிய அணி வெற்றியை பதிவு செய்ய முடிந்தது. எனினும் வனிந்து ஹசரங்கவின் பந்துகளில் அவுஸ்ரேலியா சற்று பின்னடைவை சந்தித்தது.

அவுஸ்திரேலியாவில் இதுவரை விளையாடிய ரி-20 போட்டிகளில் இலங்கை அணி 5 வெற்றி பெற்றுள்ளது. அவுஸ்திரேலியா 4 போட்டிகளில் மட்டுமே வெற்றி பெற்றுள்ளமை குறிப்பிடத்தக்கது.