இலங்கை அணியுடன் மீண்டும் இணைந்த நுவான் துஷார - ரொமேஷ் ரத்நாயக்க!!

கொரோனா தொற்று காரணமாக அவுஸ்திரேலியாவுக்கான திட்டமிடப்பட்ட பயணத்தைத் தவறவிட்ட வேகப்பந்து வீச்சாளர் நுவான் துஷார மற்றும் தலைமைப் பயிற்றுவிப்பாளர் ரொமேஷ் ரத்நாயக்க ஆகியோர் நேற்று திங்கட்கிழமை இலங்கை கிரிக்கெட் அணியில் இணைந்து கொண்டுள்ளனர்.

அவுஸ்திரேலியாவுக்கு எதிரான 5 போட்டிகள் கொண்ட ரி-20 தொடருக்கு புறப்படுவதற்கு முன், மேற்கொள்ளப்பட்ட பி.சி.ஆர். பரிசோதனைகளில் நுவான் துஷார மற்றும் ரொமேஷ்  ரத்நாயக்க ஆகியோருக்கு கொரோனா தொற்று இருப்பது கண்டறியப்பட்டது.

அதன் காரணமாக பெப்ரவரி 3 ஆம் திகதி அவுஸ்திரோலியாவுக்கு புறப்பட்ட இலங்கை அணியில் இவர்கள் இருவரும் இணைத்துக் கொள்ளப்படவில்லை. பின இருவரும் தனிமைப்படுத்தப்பட்ட நடைமுறைக்கு உட்படுத்தப்பட்டு, சிகிச்சை பெற்று வந்த நிலையில் குணமடைந்துள்ளனர்.

இந் நிலையில் பெப்ரவரி 5 ஆம் திகதி சனிக்கிழமை அவுஸ்திரேலியா செல்ல அனுமதிக்கப்பட்ட இவர்கள் தற்சமயம் சிட்டினியில் உள்ள இலங்கை அணியுடன் இணைந்து கொண்டுள்ளதாக இலங்கை கிரிக்கெட் தெரிவித்துள்ளது.