சிம்பாப்வேயை 5 விக்கெட்டுக்களால் அபாரமாக வென்ற இலங்கை!!

சிம்பாப்வேக்கு எதிராக கண்டி பல்லேகலை சர்வதேச கிரிக்கெட் விளையாட்டரங்கில் நடந்த விறுவிறுப்பான முதலாவது ஒருநாள் கிரிக்கெட் போட்டியிலி 5 விக்கெட்களால் இலங்கை அபார வெற்றியீட்டியது.

கணிசமான மொத்த ஓட்டங்கள் குவிக்கப்பட்ட இப் போட்டி ஆரம்பம் முதல் இறுதிவரை விறுவிறுப்பை தோற்றுவிப்பதாக அமைந்தது.

சிம்பாப்வேயினால் நிர்ணயிக்கப்பட்ட 297 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய இலங்கை, 48.3 ஓவர்களில் 5 விக்கெட்களை இழந்து 300 ஓட்டங்களைக் குவித்து 5 விக்கெட்களால் அபார வெற்றியீட்டியது.

குசல் மெண்டிஸ் (26), கமிந்து மெண்டிஸ் (17) ஆகிய இருவரும் ஆட்டமிழந்த பன்னர் பெத்தும் நிஸ்ஸன்க (75), தினேஷ் சந்திமால் (75) ஆகிய இருவரும் 3 ஆவது விக்கெட்டில் 66 ஓட்டங்களைப் பகிர்ந்தனர்.

தொடர்ந்து தினேஷ் சந்திமாலுடன் இணைந்த சரித் அசலன்க 71 ஓட்டங்களைப் பெற்றதுடன் 5 ஆவது விக்கெட்டில் 131 ஓட்டங்களைப் பகிர்ந்து வெற்றியை இலகுபடுத்தினார்.