3 கஜமுத்துகளை கடத்திய இருவர் கைது-அம்பாறையில் சம்பவம்

பதுளையில் இருந்து அம்பாறைக்கு கார் ஒன்றில் 3 கஜமுத்துகளை கடத்திச் சென்ற இருவரைஇ  அம்பாறை நகர் பகுதியில் வைத்து விசேட அதிரடிப்படையினர் கடந்த வியாழக்கிழமை(06)  கைது செய்து   அம்பாறை தலைமையக பொலிஸார் ஒப்படைத்தனர்.

விசேட அதிரடிப்படையினருக்கு கிடைத்த தகவலுக்கமைய, அம்பாறை - கண்டி வீதியின் புத்தங்கல  பகுதியில் முன்னெடுக்கப்பட்ட விசேட சோதனை நடவடிக்கையின் போதே, அம்பாறை நோக்கிப் பயணித்த  காரை விசேட அதிரடிப்படையினர் சுற்றிவளைத்துள்ளனர்.

குறித்த காரில் 3 கஜமுத்துகளை கடத்திவந்த இருவரையும் கைது செய்ததுடன், கஜமுத்து மற்றும் காரையும் அம்பாறை தலைமையக பொலிஸாரிடம் ஒப்படைத்துள்ளனர்.

இது தொடர்பான மேலதிக விசாரணைகளை அம்பாறை தலைமையக பொலிஸார் மேற்கொண்டு வருகின்றனர்.