முச்சக்கர வண்டியுடன் மோட்டார் சைக்கிள் விபத்து - பெண் காயம்

முச்சக்கர வண்டியுடன் மோட்டார் சைக்கிள் மோதியதில்   பெண் ஒருவர்   காயமடைந்துள்ளார்.

இச்சம்பவம் சனிக்கிழமை(1) இரவு அம்பாறை மாவட்டம் நிந்தவூர் பொலிஸ் பிரிவுக்கு உட்பட்ட  வெட்டு வாய்க்கால்  காரைதீவு எல்லையில்  இடம்பெற்றது.

இதன் போது அக்கரைபற்று கல்முனை பிரதான வீதியில்   பயணித்த  முச்சக்கர வண்டி மற்றும் மோட்டார் சைக்கிள் ஆகியவை ஒன்று மோதி  விபத்துக்குள்ளாகியது.இந்த சம்பவத்தில் மோட்டார் சைக்கிளில் பயணித்த பெண் படுகாயமடைந்த நிலையில் வைத்தியசாலைக்கு அழைத்து செல்லப்பட்டார்.இவ்விபத்தானது   கல்முனை நோக்கி பயணித்த முச்சக்கரை வண்டியும்   (ஆட்டோ) மற்றும்  அக்கரைப்பற்று பகுதியை  நோக்கி வந்த மோட்டார் சைக்கிளுடன் நேருக்கு நேர் மோதியே  இடம்பெற்றுள்ளதாக நேரில் கண்டவர்கள் தெரிவித்தனர்.

சம்பவம் தொடர்பில் நிந்தவூர் பொலிஸார் விசாரணைகளை முன்னெடுத்துள்ளனர்.