கிறிஸ்டியானோவுக்கு இந்தியாவில் பிரமாண்ட சிலை!!

கால்பந்து விளையாட்டை பார்வையிடாவோ அல்லது அந்த விளையாட்டை விளையாட தெரியாதவர்களுக்குக் கூட கிறிஸ்டியானோ ரொனால்டோ என்றால் தெரிந்திருக்கும் 

தனது சிறப்பான ஆட்டத்தினாலும், கட்டுக்கோப்பான உடற்தகுதி மூலமும் உலகில் கோடிக்கணக்கான ரசிகர் பட்டாளத்தைக் கொண்ட ஒரு நட்சத்திர கால்பந்தாட்ட வீரர்.

இந்தியாவை கிரிக்கெட் ஆக்கிரமித்த போதிலும், இங்கு கால்பந்து விளையாட்டுக்கு இன்னும் மவுசு குறையவில்லை என்றே குறிப்பிட வேண்டும். அந்நாட்டின் வடகிழக்கு மாநிலம் மற்றும் கோவாவில் கால்பந்து விளையாட்டு பிரபலம்.

இந்த நிலையில் கோவா மாநிலம் பனாஜியில், கிறிஸ்டியானோ ரொனால்டோவின் பிரமாண்ட சிலை ஒன்று நேற்று செவ்வாய்க்கிழமை திறக்கப்பட்டுள்ளது.