அஜித்துக்காக கதையில் மாற்றம்!! -வலிமை இயக்குனர் வினோத் தகவல்-

அல்டிமெட் ஸ்டார் அஜித்துக்காக வலிமை படத்தின் கதையில் சில மாற்றங்கள் செய்யப்பட்டு உள்ள தகவலை படத்தின் இயக்குனர் வினோத் தெரிவித்து உள்ளார்.

அல்டிமெட் ஸ்டார் அஜித்குமார் நடித்துள்ள வலிமை படப்பிடிப்பு முடிந்து தொழில் நுட்ப பணிகள் நடைபெற்று வருகின்றது. இந்நிலையில் இப் படம் குறித்து அவர் கருத்து தெரிவிக்கையிலேயே மேற்படி தகவலை தெரிவித்துள்ளார். 

இவ்விடயம் தொடர்பில் அவர் மேலும் தெரிவிக்கையில்:- வலிமை படப்பிடிப்பை நாங்கள் மிகுந்த உற்சாகத்தோடு தொடங்கினோம். அதன் பின் கொரோனா பரவல் ஆரம்பமானது. கொரோனா அந்த கஷ்டத்தை எங்களுக்கு இரண்டு மடங்கு ஆக்கி விட்டது. ஆனாலும் எல்லாரும் விரும்பும் படமாக எடுத்துள்ளோம்.

‘வலிமை’ கதை வேறொரு நடிகருக்காக எழுதியது என்று நான் சொன்னதாக தகவல் வெளியாகி உள்ளது. அதில் உண்மை இல்லை. வலிமை கதையை நான் நீண்ட காலத்துக்கு முன்பே எழுதி விட்டேன், அஜித் இந்த கதையில் நடிக்க வந்த பிறகு, அவருக்கு ஏற்றவாறு கதையில் மாற்றம் செய்தோம் என்றார்.