திருக்கோவில் பொலிஸ் நிலையத்தில் துப்பாக்கி சூடு மூவர் மரணம் பலர் காயம்

பொலிஸ் நிலையத்தில் மேற்கொள்ளப்பட்ட துப்பாக்கிச்சூடு சம்பவத்தில்  மூன்று பொலிசார் உயிரிழந்ததுடன்  பலர் காயமடைந்துள்ளனர்.

இச்சம்பவம் அம்பாறை மாவட்டத்தின் திருக்கோவில் பொலிஸ் நிலையத்தில் வெள்ளிக்கிழமை(24) இரவு  இடம்பெற்றுள்ளது.

இதன் போது பொலிஸ் உத்தியோகத்தர் ஒருவர் பொலிஸ் நிலையத்தில் ரி 56 ரக துப்பாக்கியை பயன்படுத்தி  மேற்கொண்ட  துப்பாக்கிச் சூட்டில் மூன்று பொலிசார் மரணமடைந்துள்ளதுடன் பொலிஸ்நிலைய பொறுப்பதிகாரி உட்பட பல பொலிசார் காயமடைந்த நிலையில் அனைவரும் திருக்கோவில் மற்றும் அக்கரைப்பற்று ஆதார வைத்தியசாலையில் சிகிச்சைக்காக அனுமதிக்கப்பட்டுள்ளனர்.

குறித்த பொலிஸ் நிலையம் விசேட அதிரடிப்படையினரின் கட்டுப்பாட்டின் கீழ் கொண்டுவரப்பட்டுள்ளதுடன் துப்பாக்கிச்சூட்டு நடாத்திய பொலிஸ் உத்தியோகத்தர் சரணடைந்துள்ளார்.

குறித்த சம்பவம் தொடர்பில் பொலிஸார் இராணுவத்தினர் தேடுதல் மேற்கொண்டு வருகின்றனர்.