பொலிஸ் நிலையத்திற்குள் துப்பாக்கி சூடு! 3 பொலிஸார் சுட்டுக் கொலை, பொறுப்பதிகாரி உட்பட பலர் படுகாயம்..

அம்பாறை திருக்கோவில் பொலிஸ் நிலையத்திற்குள் நேற்றய தினம் இரவு இடம்பெற்ற துப்பாக்கி சூட்டில் 3 பொலிஸ் உத்தியோகஸ்த்தர்கள் பலியானதுடன், மேலும் சிலர் படுகாயமடைந்துள்ளனர். 

குறித்த தகவலை பொலிஸ் தலைமையகம் உறுதிப்படுத்தியிருக்கின்றது. சம்பவத்தில் 3 பொலிஸ் உத்தியோகஸ்த்தர்கள் சுட்டுக் கொல்லப்பட்டதுடன் பொறுப்பதிகாரி துப்பாக்கி சூட்டுக்கு இலக்காகி காயமடைந்துள்ளார். 

மேலும் குறித்த துப்பாக்கி சூட்டு சம்பவத்தை நடாத்தியது ஒரு பொலிஸ் உத்தியோகஸ்த்தர்  என பொலிஸ் தலைமையகம் தொிவித்துள்ளது. 

இதேவேளை தாக்குதல் நடத்திய பொலிஸ் சார்ஜன்ட் அம்பாறை அத்திமலை பொலிஸ் நிலையத்தில் சரணடைந்துள்ளார். எனினும் குறித்த தாக்குதல் சம்பவத்திற்கான காரணம் நள்ளிரவு தாண்டியும் வெளியாகியிருக்கவில்லை. 

சம்பவத்தில் கல்முனை - பட்டிருப்பை சேர்ந்த அழகரட்ணம் நவீணன் என்ற தமிழ் பொலிஸ் உத்தியோகஸ்த்தர் உயிரிழந்த 3 போில் ஒருவராவார்.