நயன்தாராவுடன் இணைந்து நடிக்கும் யூடியூப் குழந்தை நட்சத்திரம் ரித்விக்!!

யூடியூப் மூலம் பிரபலமான குழந்தை நட்சத்திரம் ரித்விக் தமிழ் சினிமா துறையில் லேடி சூப்பஸ்டார் என்று அழைக்கப்படும் நயன்தாராவின் அடுத்த திரைப்படத்தில் இணைந்து நடிக்க உள்ளார். 

நயன்தாரா நடித்துள்ள 'காத்துவாக்குல ரெண்டு காதல்' திரைப்படம் அடுத்த ஆண்டு பிப்ரவரி மாதம் வெளியாக உள்ளது. இன் பின் சாருக்கானுடன் இணைந்து நடிக்கும் பாலிவுட் திரைப்படத்தின் படப்பிடிப்பைத் தொடருவார் என எதிர்பார்க்கப்படுகிறது.

அடுத்ததாக அவர் கதாநாயகியை மையமாகக் கொண்ட கதையம்சம் உள்ள திரைப்படம் ஒன்றில் நடிக்க உள்ளார். இந்த திரைப்படத்திற்கு 'ஓ2'  (ஆக்சிஜன்) என்று பெயர் வைக்கப்பட்டுள்ளது. 

டீரிம் வரியர் பிக்சர்ஸ் தயாரிக்கும் இந்த திரைப்படத்தின் மூலம் இயக்குனர் வெங்கட் பிரபுவின் உதவி இயக்குனர்களில் ஒருவரான ஜி.கே. விக்னேஷ் என்பவர் இந்த திரைப்படத்தின் மூலம் இயக்குனராக அறிமுகமாக இருக்கிறார். மேலும் இந்த திரைப்படத்தை நேரடியாக ஓடிடி தளத்தில் வெளியிட இருப்பதாகவும் தகவல்கள் வெளியாகி உள்ளது.

இந்த நிலையில், பிரபல யூடியூப் குழந்தை நட்சத்திரம் ரித்விக் இந்த திரைப்படத்தில் முக்கிய கதாபாத்திரத்தில் நடிக்க இருப்பதாக படக்குழு அறிவித்துள்ளது.