திடீரென இடிந்து விழுந்த பாடசாலை சுவர்!! -3 மாணவர்கள் பரிதாப பலி-

பாடசாலை சுவர் திடீரென இடிந்து விழுந்தத்தில் 3 மாணவர்கள் பரிதாபமாக பலியான சம்பவம் நெல்லையில் அதிர்ச்சியை ஏற்படுத்தி உள்ளது.

இந்தியாவின் நெல்லை டவுன் எஸ்.என். ஹைரோடு பொருட்காட்சி மைதானம் எதிரே சாப்டர் மேல்நிலை பாடசாலை இயங்கி வருகிறது. நூற்றாண்டு பழமை வாய்ந்த இந்த பாடசாலையில் 2,000ற்க்கும் மேற்பட்ட மாணவர்கள் பயின்று வருகின்றனர். 

கொரோனா வைரஸ் தொற்று குறைந்ததை அடுத்து தற்போது பாடசாலைக்கு மாணவர்கள் நேரடியாக சென்று கல்வி கற்று வருகின்றனர். இந்நிலையில் இன்று வியாழக்கிழமை காலை வழக்கம் போல மாணவர்கள் பாடசாலைக்கு சென்று பயின்றனர்.

காலை 11 மணியளவில் இடைவேளை நேரம் வந்தது. அப்போது மாணவர்கள் கழிவறைக்கு செல்ல தொடங்கினர். கழிவறையின் ஒரு பகுதிக்கு வெளியே 6 மாணவர்கள் காத்து நின்றனர்.

அப்போது திடீரென கழிவறையின் தடுப்பு சுவர் இடிந்து அங்கு நின்ற மாணவர்கள் மீது விழுந்தது. இச் சம்பவத்தில் 3 மாணவர்கள் பரிதாபமாக பலியாகியுள்ளனர்.