ரங்கன ஹேரத்துக்கு கொரோனா தொற்று உறுதி!!

முன்னாள் இலங்கை அணியின் வீரரும் தற்போதைய பங்களாதேஷ் கிரிக்கெட் அணியின் சுழற்பந்து வீச்சு பயிற்சியாளருமான ரங்கன ஹேரத்துக்கு கொரோனா வைரஸ் தொற்று இருப்பது பரிசோதனைகள் ஊடாக உறுதி செய்யப்பட்டுள்ளது. 

பங்களாதேஷ் அணியுடன் இணைந்து நியூஸிலாந்துக்கு சுற்றுப் பயணம் மேற்கொண்டுள்ள நிலையிலேயே அவருக்கு தொற்று இருப்பது உறுதி  செய்யப்பட்டுள்ளது.

கொரோனா வைரஸ் தொற்று தொடர்பான இலகுவான அறிகுறிகளை ஹேரத் வெளிப்படுத்தியதாகவும், பின்னர் மேற்கொள்ளப்பட்ட பரிசோதனையில் அவர் கொரோனா தொற்றுக்குள்ளாகியமை கண்டறியப்பட்டுள்ளதாகவும் அணியின் ஏனைய உறுப்பினர்கள் தெரிவித்துள்ளனர்.

இருப்பினும் பங்களாதேஷ் அணியின் ஏனைய வீரர்களும், பயிற்சி மற்றும் பணியாளர்களும் இதுவரை கொரோனா வைரஸ் தொற்று தொடர்பான எந்தவொரு அறிகுறிகளையும் வெளிப்படுத்தவில்லை.