12 மாணவிகளுக்கு பாலியல் தொல்லை!! -ஆசிரியரை அதிரடியாக கைது செய்த பொலிஸ்-

இந்தியாவின் நீலகிரி மாவட்டம் கோத்தகிரி அருகே உள்ள கீழ் கோத்தகிரியில் அரச பாடசாலையில் கல்வி பயிலும் மாணவிகளுக்கு பாலியல் தொந்தரவு கொடுத்த ஆசிரியர் கைது செய்யப்பட்டார்.

குறித்த பாடசாலையில் கோத்தகிரி டானிங்டன் பாரதி நகரை சேர்ந்த 46 வயதான முரளிதரன் என்பவர் ஆசிரியராக பணியாற்றி வருகிறார். இவர் பாடசாலை மாணவிகளிடம் ஆபாசமாக பேசுவது, கன்னத்தை தொடுவது என மாணவிகளுக்கு தொடர்ந்து பாலியல் தொந்தரவு கொடுத்து வந்தாக கூறப்படுகிறது.

இதனால் பாதிக்கப்பட்டு, மன உளைச்சலுக்கு ஆளான மாணவிகள் 12 பேர் இதுகுறித்து பாடசாலை தலைமை ஆசிரியையிடம் முறைப்பாடு செய்தனர். இதனைத்தொடர்ந்து தலைமை ஆசிரியை, சோலூர் மட்டம் பொலிஸ நிலையத்தில் முறைப்பாடு செய்தனர். இந்த முறைப்பாட்டின் அடிப்படையில் நேற்று முந்தினம் முரளிதரனை பொலிஸார் கைது செய்தனர்.