யாழ்.பருத்தித்துறை கடலில் கைது செய்யப்பட்ட 23 மீனவர்களில் 18 பேர் இன்று நாடு திரும்புகின்றனர்! மேலும் 5 பேருக்கு கொரோனா தொற்று..

யாழ்.பருத்தித்துறை கடற்பகுதிக்குள் அத்துமீறி நுழைந்து மீன் பிடித்துக் கொண்டிருந்த குற்றச்சாட்டில் கைது செய்யப்பட்டு சிறையிலடைக்கப்பட்டுள்ள 23 இந்திய மீனவர்களில் 18 பேர் இன்று தமிழகத்திற்கு அனுப்பப்படவுள்ளனர். 

குறித்த மீனவர்களை இந்தியாவுக்கு அனுப்ப நடவடிக்கை எடுக்கப்பட்டபோது 3 பேருக்கு கொரோனா தொற்று ஏற்பட்டது. இதனால் 23 பேரும் தொடர்ந்தும் சிறையிலடைக்கப்பட்ட நிலையில் இன்று அந்த 20 பேரை தமிழகம் அனுப்ப நடவடிக்கை எடுக்கப்பட்டது. 

இதற்காக எடுக்கப்பட்ட பீ.சி.ஆர் பரிசோதனையில் மேலும் 2 பேருக்கு தொற்று உறுதி செய்யப்பட்டது. இதனால் 18 பேர் மட்டும் தமிழகத்திற்கு அனுப்பிவைக்கப்படவுள்ளார்கள். ஏனைய 5 பேரும் தொடர்ந்து சிகிச்சை பெறவுள்ளனர். 

இவர்கள் இன்று இரவு 11.50 மணிக்கு அழைத்துச் செல்லப்பட்டு நாளை அதிகாலை தமிழகம் செல்லும் விமானத்தில் பயணிக்கவுள்ளனர். கொரோனா தொற்றாளர்கள் சிகிச்சை முடிவடைந்த பின்பே நாட்டுக்கு அனுப்பபடுவர்.