10 பேர் உயிரிழக்க காரணமான படகு விபத்து..! சம்பவத்துடன் தொடர்புடைய 3 பேர் கைது..

கிண்ணியா  - குறிஞ்சாக்கேணி விபத்தில் 10 பேர் உயிரிழக்க காரணமான படகு விபத்துடன் தொடர்புடைய 3 பேர் பொலிஸாரினால் கைது செய்யப்பட்டிருக்கின்றனர். 

மேற்படி, மோட்டார் பொருத்தப்பட்ட மிதப்புப் பாலத்தை இயக்கிய மூவரே இவ்வாறு கைதுசெய்யப்பட்டுள்ளதாக தெரிவிக்கப்பட்டுள்ளது.

குறிஞ்சாக்கேணியில் நேற்று குறித்த மிதப்புப் பாலம் நீரில் மூழ்கி விபத்துக்குள்ளானதில் அதில் பயணித்த 4 சிறுவர்கள் உட்பட 10 பேர் உயிரிழந்ததுடன், 20க்கும் மேற்பட்டோர் பாதிக்கப்பட்டிருந்தனர்.

இந்நிலையில், சம்பவம் குறித்து காவல்துறையினர் முன்னெடுத்த விசாரணைகளையடுத்து, கிண்ணியா காவல்துறையினரால் ஒருவரும், 

திருகோணமலை காவல்துறையினரால் இரண்டு பேரும் இவ்வாறு கைது செய்யப்பட்டுள்ளனர்.