தடுப்பூசி போடாதவர்களுக்கு நிரவாரம் இல்லை!! -மாவட்ட ஆட்சியாளர் அதிரடி அறிவிப்பு-

இந்தியாவில் குறைந்தபட்சம் ஒரு டோஸ் கொரோனா தடுப்பூசியை போட்டுக் கொண்ட மக்களுக்கு மட்டுமே நிவாரணம் (ரேஷன்) பொருட்கள் மற்றும் எரிபொருட்களை வழங்கவேண்டும்.

அந்நாட்டின் மகாராஷ்டிரா மாநிலத்தில் இன்றுவரை 74 வீதமானவர்களுக்கு தடுப்பூசி போடப்பட்டு உள்ளது. இந்தநிலையில் மாவட்ட வாரியாக தடுப்பூசி போட்டவர்கள் விவரம் வெளியிடப்பட்டது. 

இதில் மொத்தம் உள்ள 36 மாவட்டங்களில் அவுரங்காபாத் 26 ஆவது இடத்தை பெற்று பின்தங்கியுள்ளது. இந்த மாவட்டத்தில் வெறும் 55 சதவீதம் பேர் மட்டுமே தடுப்பூசி போட்டுக்கொண்டுள்ளனர். 

இதையடுத்து அவுரங்காபாத் மாவட்ட பொதுமக்களுக்கு மாவட்ட ஆட்சியாளர் சுனில் சவான் அதிரடி உத்தரவு பிறப்பித்துள்ளார். அதில், அவுரங்காபாத் மாவட்டத்தில் உள்ள ரேஷன் கடைகள், சமையல் கியாஸ் ஏஜென்சிகள் மற்றும் பெட்ரோல் பங்குகளில் தடுப்பூசி சான்றிதழ்களை சரிபார்க்க வேண்டும். குறைந்தபட்சம் ஒரு டோஸ் தடுப்பூசியை போட்டுக் கொண்ட மக்களுக்கு மட்டுமே ரேஷன் பொருட்கள் மற்றும் எரிபொருட்களை வழங்கவேண்டும்.

இந்த உத்தரவை பின்பற்றாதவர்கள் மீது பேரிடர் மேலாண்மை சட்டம் மற்றும் தொற்றுநோய் தடுப்பு சட்டத்தின் கீழ் சம்பந்தப்பட்ட நபர்கள் மீது நிர்வாகம் நடவடிக்கை எடுக்கும் என்று தெரிவித்துள்ளார்.