சுற்றுலா சென்று திரும்பியபோது பள்ளத்தில் கவிழ்ந்த கார்!! -ஒரே குடும்பத்தை சேர்ந்த 3 பேர் பரிதாப பலி-

தீபாவளிக்கு கொடைக்கானலுக்கு சுற்றுலா சென்று விட்டு வீடு திரும்பிய போது பள்ளத்தில் கார் கவிழ்ந்த விபத்தில் குழந்தை உள்பட ஒரேகுடும்பத்தை சேர்ந்த 3 பேர் பரிதாபகரமாக உயிரிழந்தனர்.

இந்தியாவின் - மதுரை மாவட்டம் தேனூரை சேர்ந்தவர் சட்டத்தரணி தனது குடும்பத்துடன் தீபாவளி விடுமுறையையொட்டி காரில் கொடைக்கானலுக்கு சுற்றுலா சென்றிருந்தார். இவர்கள் அனைவரும் சுற்றுலா பயணத்தை முடித்துக்கொண்டு நேற்று வெள்ளிக்கிழமை இரவு அங்கிருந்து சொந்த ஊருக்கு திரும்பினர். 

கொடைக்கானலில் இருந்து அடுக்கம் வழியாக பெரியகுளம் சாலையில் உள்ள வலைவில் திரும்பிய போது கட்டுப்பாட்டை இழந்த கார் 200 அடி பள்ளத்தில் கவிழ்ந்து விபத்துக்குள்ளனது. கனமழை மற்றும் இரவு நேர மேகமூட்டத்தால் வீதி சரியாக தெரியாததால் கார் விபத்துக்குள்ளாகியுள்ளது.

சம்பவ இடத்திற்கு விரைந்து சென்ற மீட்புக்குழுவினர் பள்ளத்தில் கவிழ்ந்து விபத்துக்குள்ளன காரில் சிக்கியவர்களை மீட்கும் பணியில் ஈடுபட்டனர். ஆனால், இந்த விபத்தில் சட்டத்தரணி, அவரின் மனைவி நந்தினி, குழந்தை தன்யா மற்றும் மாமியார் அழகு ராணி ஆகிய 3 பேரும் சம்பவ இடத்திலேயே உடல்நசுங்கி பரிதாபமாக உயிரிழந்தனர். படுகாயங்களுடன் மீட்கப்பட்ட கோகுல் அவரது நண்பர் கார்த்திக் வைத்தியசாலையில் அனுமதிக்கப்பட்டுள்ளனர்.