சொக்லெட் வாங்கி தருவதாக கூறி 5 வயது சிறுமி பலாத்காரம்;!! -இளைஞரை கைது-
சொக்லெட் வாங்கி தருவதாக கூறி தனிமையாக அழைத்து சென்று 5 வயது சிறுமியை பாலியல் பலாத்காரம் செய்த இளைஞரை பொலிஸார் கைது செய்துள்ளனர்.
இந்தியாவின் சிவமொக்கா மாவட்டம் பத்ராவதி தாலுகா ஹரதொளலு கிராமத்தில் வசித்துவரும் 5 வயது சிறுமி பெற்றோர் வேலைக்குச் சென்ற நிலையில் வீட்டில் தனிமையாக இருந்ததை அறிந்த அதேகிராமத்தைச் சேர்ந்த 20 வயது இளைஞர் சிறுமியின் வீட்டிற்கு சென்றுள்ளார்.
அவர், சிறுமியிடம் தன்னுடன் வந்தால் சொக்லெட் வாங்கி தருவதாக ஆசைவார்த்தை கூறி தனது பாக்குத்தோட்டத்தில் உள்ள குடோனுக்கு அழைத்து சென்றுள்ளார்.
அங்கு வினய், சிறுமியை பாலியல் பலாத்காரம் செய்துள்ளார். மேலும் நடந்த விடயத்தை வெளியே சொல்லக்கூடாது என்றும், மீறினால் கொலை செய்து விடுவதாகவும் மிரட்டல் விடுத்துவிட்டு அங்கிருந்து சென்றுள்ளார்.
ஆனாலும் சிறுமி, வேலை முடிந்து வீடு திரும்பிய பெற்றோரிடம் நடந்த விடயத்தை அழுதபடி கூறினாள். இதைகேட்டு அதிர்ச்சி அடைந்த சிறுமியின் பெற்றோர், பொலிஸ் நிலையத்தில் முறைப்பாடு பதிவு செய்தனர். இதன்படி குறித்த இளைஞரை பொலிஸார் கைது செய்துள்ளனர்.
