குடிசைக்குள் புகுந்த லொறி!! -உறக்கத்தில் இருந்த ஒரேகுடும்பத்தை சேர்ந்த 3 பேர் பரிதாப பலி-

இந்திய மத்திய பிரதேசத்தில் வீதியோரம் அமைந்திருந்த குடிசைக்குள் லொறி புகுந்தது. இதில் குடிசைக்குள் உறங்கிக்கொண்டிருந்த 3 பேர் உள்பட 4 பேர் பரிதாபமாக உயிரிழந்தனர்.

நேற்று இரவு 11 மணியளவில் ஒரு லொறி சென்றுகொண்டிருந்தது. அஜனி தபரியா என்ற கிராமம் அருகே சென்றுகொண்டிருந்தபோது சாரதியின் கட்டுப்பாட்டை இழந்த லொறி வீதியோரம் அமைந்திருந்த குடிசைக்குள் புகுந்தது.

இதில், குடிசைக்குள் உறங்கிக்கொண்டிருந்த ஒரேகுடும்பத்தை சேர்ந்த 3 பேர் மற்றும் லொறியில் பயணித்த ஒருவர் என மொத்தம் 4 பேர் உயிரிழந்தனர். 

குடிசைக்குள் உறங்கிக்கொண்டிருந்த ஆகாஷ் மகிர்வார் (வயது 18) அவரது சகோதரி மனீஷா (வயது 16) மற்றும் அவரின் சகோதரன் ஓம்கர் (வயது 14) ஆகிய 3 பேரும் உடல்நசுங்கி உயிரிழந்தனர். 

இந்த விபத்தை ஏற்படுத்திய லொறியின் சாரதி விபத்து நடத்த பகுதியில் இருந்து தப்பியோடியுள்ளார். அவரை கைது செய்யும் நடவடிக்கையில் பொலிஸார் ஈடுபட்டுள்ளனர்.