அதிகாலையில் பாரிய சுற்றிவளைப்பு..! பெண் உட்பட 8 பேர் கைது, 4 மோட்டார் சைக்கிள்கள், துப்பாக்கி மற்றும் வாள்கள் மீட்பு..

கிளிநொச்சி - தருமபுரம் கல்லாறு கிராமத்தில் கடந்த 4ம் திகதி ரவுடிக் குழுக்களுக்கிடையில் இடம்பெற்ற மோதலையடுத்து சம்பவ இடத்தில் அமைதியை நிலைநாட்ட சென்றிருந்த பொலிஸார் மீது வாள்வெட்டு தாக்குதல் நடத்தப்பட்டிருந்தது. 

இந்த சம்பவத்தில் 4 பொலிஸார் காயமடைந்திருந்தனர். குறித்த சம்பவத்தையடுத்து இன்று அதிகாலை இராணுவம், பொலிஸார், விசேட அதிரடிப்படையினர் கூட்டாக இணைந்து கல்லாறு கிராமத்தை சுற்றிவளைத்து தேடுதல் நடத்தியிருக்கின்றனர். 

இச்சுற்றிவளைப்பில் அனுமதிப்பத்திரம் இன்றி பயணித்த மோட்டார் சைக்கிள்கள் 04, வாள் 01, இடியன் துப்பாக்கி 01, சட்டவிரோத கசிப்பு 18 லீற்றர் மீட்கப்பட்டுள்ளதாக தர்மபுரம் பொலிசார் தெரிவிக்கின்றனர். அத்துடன் கசிப்பு விற்றபனையிலிடுபட்ட 

பெண் உட்பட இச் சுற்றிவளைப்பில் 08 பேர் கைது செய்யப்பட்டுள்ளதாகவும் தருமபுரம் பொலிஸ் குற்றத்தடுப்பு பிரிவு பொறுப்பதிகாரி சிசெர தெரிவித்துள்ளார்.